Page 23 - Kaspi Təhsil Şirkəti 2018

KASPİ NƏŞRLƏRİ

Kaspi Təhsil Şirkətinin rəhbərliyi mərkəzin müəllimləri ilə yanaşı, Respublikamızın dərslik sahəsində
böyük təcrübəyə malik olan alimləri ilə birlikdə, abituriyentlərin səmərəli hazırlığını təmin etmək
məqsədilə müxtəlif fənlər üzrə dərs vəsaitləri, test bankları nəşr etdirərək ictimaiyyətin istifadəsinə verib.
Onlardan İngilis dili, Fizika, Kimya, Azərbaycan dili dərslikləri, Coğrafiya, Azərbaycan tarixi, Azərbaycan
dili, İngilis dili, Fizika, Kimya, Riyaziyyat üzrə Test bankları, habelə azyaşlı uşaqlar üçün “Kaspi kids”
nəşrləri – uşaqları dilimizin hərfləri ilə tanış edən, sərbəst oxumaq və yazmağa hazırlayan “Savad təlimi”,
onların dünyagörüşünü və məntiqi təfəkkürünü inkişaf etdirən “Riyaziyyat” və uşaqların ingilis dilinin tez

və rahat şəkildə öyrənməsini təmin edən “ Uşaqlar üçün İngilis dili” adlı dərslikləri nümunə göstərmək
olar.
Kaspi Təhsil Şirkəti maarifçilik, ziyalılıq tariximiz, mədəniyyət və ədəbiyyatımız haqqında nəşrlərin

çapına, xalqımızın mədəni-ədəbi və elmi irsinin zənginləşməsinə yönəlik nəşrlərin işıq üzü görməsinə öz
töhfələrini vermişdir. Belə ki, “Kaspi” Təhsil Şirkəti indiyə qədər “Kaspi nəşrləri” adı altında mətbuatımızın
tarixi haqqında “135 illik yol”, Ulu Öndər Heydər Əliyevin və cənab prezident İlham Əliyevin

mətbuatımıza verdiyi ciddi dəyərin ifadəsi olan, tarixi xidmətlərinin əks olunduğu “Mən jurnalistləri
vətənpərvərliyə çağırıram” adlı nəşr, Hüseyn Cavidə həsr olunmuş müsabiqəyə təqdim edilmiş
yazılardan ibarət “Hüseyn Cavid. Vətənə qayıdış” adlı kitabı, həmçinin fotoalbomu, Azərbaycanın Milli
Qəhrəmanı Mübariz İbrahimova həsr edilmiş müsabiqənin seçmə yazılarından ibarət “Mübariz yol”
kitabını, “Kaspi” qəzetinin tarixi haqqında məqalələr toplusu olan “Üç əsrin qəzeti” kitabını, “Kaspi –

maarifçilik meydanı” kitabını, həmçinin “Kaspi” qəzetinin yaranması və fəaliyyəti” adlı araşdırmanın işıq
üzü görməsi, Hüseyn Cavidin əsərlərinin Türkiyədə və İranda nəşr etdirilməsi, ədiblə bağlı beynəlxalq
konfransların təşkili “Kaspi” Təhsil Şirkətinin geniş miqyaslı maarifçilik hərəkatına, ölkəmizin mədəni,

ədəbi və elmi mühiti üçün göstərdiyi əvəzsiz, müstəsna xidmətlərin dəyərli nümunələridir.

www.kaspi.edu.az