Page 25 - Kaspi Təhsil Şirkəti 2018

KASPİ ELEKTRON XİDMƏTLƏRİ

“Əlifbanı Öyrənirəm" layihəsi Azərbaycan Respublikasının Diasporla İş
üzrə Dövlət Komitəsi ilə “Kaspi” Təhsil Şirkətinin birgə layihəsidir. Layihənin məqsədi
Azərbaycanda və ölkədən kənarda yaşayan ailələrin 5-10 yaş arası övladlarının Əlifba və ana
dilindəki ilkin anlayışları öyrənmək üçün nəzərdə tutulub. Bu interaktiv oyun uşaqların hərflər,

ədədlər və təməl anlayışları öyrənmələri üçün yardımçı bir vasitədir.
Uşaqlar üçün hazırlanan bu interaktiv oyun 7 bölmədən – 7 adadan ibarət olub həm səsli,
həm də şəkilli öyrənməni hədəfləyir. Oyunda bir personaj daima istifadəçiyə bələdçilik edir.
Oyuna milli koloritlər qatmaq məqsədilə hər bir ada Azərbaycanda
yerləşən tarixi abidə kimi əks olunmuşdur. Bu oyundan başqa, uşaqlar
üçün Şeirlər bölməsi də mövcuddur. Valideynlər bu bölməyə daxil
olub uşaqlara şeirləri səsli olaraq dinlədə bilərlər.

“Kaspitest.com” Kaspi Təhsil Mərkəzinin Onlayn sınaq sistemidir.
Sistemin məqsədi Mərkəzin keçirdiyi imtahanların onlayn qaydada
keçirilməsi, istifadəçilərin yer və məkandan asılı olmayaraq həmin
imtahanlarda iştirak etməsidir.

İstifadəçilər çox rahatlıqla qeydiyyatdan keçib onlayn sınağa
daxil olaraq öz biliklərini yoxlaya bilərlər. İstifadəçi ixtisas qrupuna
uyğun imtahanı seçib daxil olur. İstifadəçi imtahanı bitirdikdən sonra topladığı balı dərhal görə
bilər. Bundan başqa fənlər üzrə hansı sualı düzgün, hansını səhv yazdığını da gözdən keçirə bilər.
İmtahan müddətində əgər istifadəçinin internet bağlantısı kəsilərsə və ya brauzeri qeyri-ixtiyari
bağlanarsa, bağlantı bərpa olunandan və ya brauzeri yenidən açılandan sonra qaldığı yerdən
davam edə bilər.

www.kaspi.edu.az