Kaspi Abituriyent şöbəsi 2008-ci ildən fəaliyyətə başlayıb və hal-hazırda "Kaspi" Təhsil Şirkətinin bu şöbəsi 6 filial və 5 nümayəndəlikdə xidmət göstərir. Kaspi Abituriyent IX, X, XI sinif şagirdlərinin və məzunların buraxılış imtahanlarına və ali məktəblərə qəbul imtahanlarına hazırlığını, V-VIII sinif şagirdlərinin məktəbdən sonra fənlər üzrə hazırlığını və sosial fəaliyyətini, şagirdlərin bilik və bacarıqlarını ölçmək məqsədilə III - VIII və IX -XI siniflər üzrə Sınaq imtahanlarını həyata keçirir. Kaspi Abituriyent bu xidmətləri Bakı, Gəncə, Sumqayıtla yanaşı Respublikamızın 15-dən çox rayonunda da təşkil edir.

Kaspi Abituriyent Azərbaycan və rus bölmələri üzrə aşağıdakı proqramları həyata keçirir:

1. XI sinif və ya məzunlar üçün nəzərdə tutulmuş Kurikulum standartlarına əsaslanan 1 illik tədris proqramı
2. X sinif şagirdləri üçün nəzərdə tutulmuş Kurikulum standartlarına əsaslanan 2 illik tədris proqramı
3. IX sinif şagirdləri üçün nəzərdə tutulmuş Kurikulum standartlarına əsaslanan 3 illik tədris və Buraxılış imtahanlarına hazırlıq proqramı
   
   *Bütün bu proqramlar Dövlət İmtahan Mərkəzinin (DİM) standartları əsasında təşkil olunur.
    

Fəaliyyət göstərdiyi müddət ərzində 3000-dən çox Kaspi Abituriyent məzunu DİM-in qəbul imtahanlarında yüksək nəticə göstərərək Respublikamızın nüfuzlu ali təhsil ocaqlarına daxil olmuşlar.

Kaspi Abituriyentin 2008 / 2017 - ci illər üzrə nailiyyətləri:

• Kaspi Abituriyentlərinin ali məktəblərə qəbul olma göstəricisi: 92%
• 600-dən yuxarı bal toplamış tələbələrin sayı: 214 nəfər
• Prezident təqaüdçüsü adını almış tələbələrin sayı: 17 nəfər
• 700 bal toplamış tələbələrin sayı: 1 nəfər – Vahab Cəbrayılov (I qrup)

Kaspi Abituriyentin uğurlarının əsas səbəbləri:

• Doğru çalışmaq yollarını və test işləmə texnikasını öyrədən, effektiv tədris proqramını və ölçmə-qiymətləndirmə sistemini hazırlayan, imtahana hazırlıqla bağlı dərsliklərin hazırlanması sahəsində böyük təcrübəyə malik peşəkarlardan ibarət komanda
• Qısa müddət ərzində qəbul imtahanına səmərəli hazırlığı təmin edən dərsliklər, test bankları və əlavə tədris materialları
• İstedadlı abituriyentlərin maksimum nəticə əldə etmələrini təmin etmək məqsədilə təşkil olunmuş xüsusi "Dərəcə qrupu"
• Abituriyentlərin imtahana psixoloji hazırlığını da əhatə edən il boyu keçilən mövzuların "Təkrarlama" proqramı, eyni zamanda onların boş vaxtlarının səmərəli keçirilməsi və istirahətlərinin düzgün və planlı şəkildə olması məqsədilə təşkil edilən gəzintilər və sosial layihələr

BU MƏHSULDAN FAYDALANMAQ ÜÇÜN AŞAĞIDAKI FİLİALLARIMIZA MÜRACİƏT EDƏ BİLƏRSİNİZ.