"Kaspi" Təhsil Şirkətinin məktəbə hazırlıq bölməsi olan Kaspi Kids 2011-ci ildən fəaliyyətə başlayıb. Hal-hazırda Kaspi Kids məktəbə hazırlıq proqramı 10 filial və 3 nümayəndəlikdə tədris olunur.

Bu proqram 4-6 yaşlı uşaqların intellektual, fiziki, psixoloji və sosial-emosional inkişafının əldə edilməsində, potensial imkanlarının üzə çıxarılmasında, məktəbə hazırlanmasında, sadə əmək vərdişlərinə yiyələnməsi, istedad və qabiliyyətlərinin üzə çıxarılmasında, müstəqillik, yaradıcılıq, təşəbbüskarlıq kimi keyfiyyətlərin, hisslərin və həyati bacarıqların formalaşmasında mühüm rol oynayır.

Müasir və beynəlxalq təhsil metodlarından istifadə edilərək hazırlanan Kaspi Kids məktəbə hazırlıq proqramı Azərbaycan Respublikası Təhsil Nazirliyinin məktəbəqədər təhsil proqramına(kurikulumuna) tam uyğundur.

Kaspi Kids Azərbaycan və rus bölmələri üzrə aşağıdakı proqramları həyata keçirir:

• 4-5 yaşlı uşaqların məktəbəqədər hazırlığı üzrə tədris proqramı
• 5-6 yaşlı uşaqların məktəbə hazırlığı üzrə tədris proqramı

Kaspi Kids-in nailiyyətləri:

• Fəaliyyət göstərdiyi müddətdə 5000-dən çox Kaspi Kids məzunu ölkəmizin nüfuzlu orta məktəblərinə, lisey və gimnaziyalarına müvəffəqiyyətlə qəbul olmuşdur. Həmin şagirdlər hal-hazırda da Kaspi Kids məktəbəhazırlıq proqramının qoyduğu güclü baza əsasında təhsillərini yüksək səviyyədə davam etdirirlər.
• Kaspi Kids bu illər ərzində uşaqlarda xeyriyyəçilik, yardımsevərlilik kimi xüsusiyyətlərin formalaşması məqsədilə 20-dən çox müxtəlif sosial layihələr, xeyriyyə tədbirləri həyata keçirmişdir. Bu xeyriyyə tədbirlərində minlərlə aztəminatlı ailələrin uşaqlarına, eyni zamanda valideyn himayəsindən məhrum olmuş uşaqlara müxtəlif hədiyyələr verilmiş, onlar üçün əyləncəli proqramlar hazırlanmşdır.

Kaspi Kidsin uğurlarının əsas səbəbləri:

• Xüsusi həssaslıqla seçilmiş müəllimlərdən və məktəbəqədər təhsil istiqamətində yüksək təcrübəyə malik peşəkarlardan ibarət komanda
• Hər bir fənnin tədrisində müasir ədəbiyyat və texnologiyalardan istifadə edilərək uşaqların yaş səviyyələrinə uyğun qurulan məşğələlər, uşaqların bilik və bacarıqlarının inkişafına yönəlmiş həftəlik tədris materialları və Kaspi pedaqoqları tərəfindən hazırlanmış Kaspi Kids nəşrləri
• Uşaqların yaradıcılığını, təxəyyülünü formalaşdıran, onların gizli istedadlarını üzə çıxaran müxtəlif dərnəklər
• Məktəbəqədər hazırlıq kursu dövründə uşaqlar arasında əl qabiliyyəti, rəsm üzrə müxtəlif müsabiqələrin, bilik və bacarıq yarışlarının təşkili
• Uşaqların sosial inkişafının və dünyagörüşünün artırılması məqsədilə təşkil edilən gəzintilər və sosial layihələr

BU MƏHSULDAN FAYDALANMAQ ÜÇÜN AŞAĞIDAKI FİLİALLARIMIZA MÜRACİƏT EDƏ BİLƏRSİNİZ.