Müəllimlər idarəetmə prosesinin aktiv iştirakçısı kimi

Təhsilin idarə olunması məktəbin effektivliyi və şagirdlərin akademik nailiyyətləri üçün həlledici amildir. Kaspi Liseyinin idarəetmə modelində müəllimlərin aktiv rolu təhsilin keyfiyyətinin artmasına önəmli təsir göstərir. “Biz birlikdə güclüyük!” devizi ilə çalışan Kaspi müəllimləri həm sinif daxilində, həm də ondan kənarda təhsilin inkişafına öz töhfələrini verirlər.

Kaspi Ağ Şəhər Liseyinin direktoru Həsən Həsənov məqaləsində Kaspi Liseyinin idarəetmə modelində müəllimlərin rolu, onların iş şəraiti, idarəetmə tərəfindən qayğı ilə təmin olunması və onların fədakar fəaliyyətini vurğulayıb:

Müəllimlərin idarəetmə prosesində rolu: Kaspi Liseyində müəllimlər yalnız tədris prosesinin icraçısı deyil, eyni zamanda idarəetmə prosesinin aktiv iştirakçısıdır. Bu modelin əsas xüsusiyyətləri bunlardır:

1.Qərar qəbul etmə prosesində iştirak

-Müəllimlər məktəbin strateji planlarının hazırlanmasında iştirak edir.

 -Pedaqoji şuralarda aktiv fikirlərini bildirir və yeni təhsil metodlarını müzakirə edirlər.a

-Keçirilən əməkdaş sorğularının nəticələri nəzərə alınaraq müəllimlərin rəyləri idarəetmə qərarlarında əks olunur.

2.Təlim prosesinin təkmilləşdirilməsi

-Differensial və şagirdmərkəzli tədris metodlarını tətbiq edirlər.

-Yeni təlim texnologiyalarından istifadə edərək dərslərin interaktivliyini artırırlar.

-Müəllimlərin professional inkişafı üçün mütəmadi təlimlər və seminarlar təşkil edilir.

-Zəif şagirdlərlə fərdi şəkildə məşğul olur, onların akademik inkişafını dəstəkləyirlər.

3.Məktəb-müəllim-şagird əlaqələrinin qurulması

-Müəllimlər tələbkar, eyni zamanda motivasiyaedici liderlər kimi çıxış edirlər.

-Ailələrlə yaxın əlaqə saxlayaraq şagirdlərin təlim prosesi və sosial iştirakını artırırlar.

-Müəllimlər məktəbdən kənarda da aktiv fəaliyyət göstərərək dərsdən əlavə tədbirlər təşkil edir, sosial şəbəkələrdə məktəbi layiqincə təmsil edirlər.

-Müəllimlərin rifahı və iş şəraitinin yaxşılaşdırılması üçün idarə tərəfindən müxtəlif təşəbbüslər həyata keçirilir.

Kaspi Liseyinin müəllim idarəetmə modelinin fərqliliyi Kaspi Liseyinin təhsil modeli müəllimlərin idarəetmədə daha aktiv rol oynamasına şərait yaradan ünsürlər daxil edir:

-Fasiləsiz peşəkar inkişaf: Müəllimlər davamlı təlimlərə cəlb olunur.

-Açıq kommunikasiya: Müəllimlər arasında effektiv ünsiyyət və dəstək mühiti yaradılır.

-Fədakar əmək: Müəllimlər dərsdən kənar tədbirlərin təşkili, məktəbin dəyərlərinin təbliği və şagirdlərin motivasiyası üçün daim çalışırlar.

-Təhsil keyfiyyətinə fokuslanma: Şagird nailiyyətlərinin artması məqsədi ilə yeni metodların sınaqdan keçirilməsinə imkan yaradılır.

-Müəllimlərə qayğı və rifah: İdarəetmə müəllimlərin iş şəraitinin yaxşılaşdırılması üçün sosial dəstək və mükafatlandırma mexanizmləri tətbiq edir.

Kaspi Liseyinin idarəetmə modeli müəllimlərin fədakar əməyi və təşəbbüsü ilə formalaşır. “Biz birlikdə güclüyük!” devizi ilə birləşən Kaspi müəllimləri yalnız sinifdə deyil, məktəbdən kənarda da təhsilin inkişafına töhfə verirlər. Onların idarəetmədə iştirakı, sosial məsuliyyəti və məktəbin uğurlarına verdiyi töhfələr Kaspi Liseyini fərqləndirən əsas cəhətlərdən biridir.

kaspi.edu.az