Vahab Cəbrayılov Kaspi Abituriyent Hazırlığının məzunudur

Elm və təhsil naziri Emin Əmrullayev İsmayıllı rayonunda keçirilən vətəndaşların qəbulu zamanı Lahıc qəsəbə tam orta məktəbinin məzunu, 2017-ci ildə keçirilən qəbul imtahanlarında 700 bal toplayaraq “Prezident təqaüdçüsü” adını qazanan Vahab Cəbrayılovla görüşüb.

Bu barədə elm və təhsil naziri Emin Əmrullayev sosial media hesabında paylaşım edib: “Vahab kimi gənclərimizlə görüşmək məni çox qürurlandırır. Tələbəmizi təbrik edir, ona gələcək təhsilində yeni nailiyyətlər arzulayıram”.

Kaspi.edu.az xəbər verir ki, Vahab Cəbrayılov 2017-ci ildə Kaspi Abituriyent Hazırlığının məzunudur.  Bu il isə  Türkiyənin Orta Şərq Texniki Universitetinin (ODTÜ) kompüter mühəndisliyi ixtisası üzrə məzunu olub. O, ABŞ-nin Kolumbiya Universitetində eyni ixtisasla əlaqədar doktorantura qəbulu alıb. Eyni zamanda Vahab Cəbrayılova professor köməkçisi kimi çalışmaq təklif olunub.

Məzunumuza gələcək təhsilində uğurlar arzulayırıq!

Kaspi.edu.az