Aprelin 8-də Bakı şəhərində, "Pasaj 1901"-də "Robofest International" robototexnika müsabiqəsi keçiriləcək. Builki yarışmada 2 ölkədən və 23 müxtəlif təhsil müəssisəsindən 300-dən çox şagird iştirak edəcək ki, bu da ötən illə müqayisədə iki dəfə çoxdur. Kaspi Liseylərinin şagirdləri də müsabiqədə yarışacaqlar.

“Robofest International” yarışması şagirdlərin robototexnika sahəsində bacarıq və yaradıcılıqlarını nümayiş etdirmələri üçün platformadır. İştirakçılar səkkiz maraqlı kateqoriyada - Lego Sumo, Lego Line Follower, VEX IQ Slapshot, VEX Go missiyası, Lego WeDo/VEX Go Innovators, Disaster Relief Robot, Hardware Controll və Proqramlaşdırma kateqoriyalarında yarışacaqlar. Kaspi liseylərinin şagirdləri bu yarışda 7 müxtəlif kateqoriya üzrə iştirak edəcəklər. Həmçinin, gənc ziyarətçilər üçün ustad dərsləri də keçiriləcək.

Tədbir ziyarətçilər üçün açıqdır, lakin qeydiyyat tələb olunur. Ziyarətçilər robotları hərəkətdə görmək, iştirakçılarla və robototexnika sahəsində ən son yeniliklərlə tanış olmaq imkanı əldə edəcəklər.

Kaspi.edu.az xəbər verir ki, “Robofest International” yarışmasının baş sponsoru Kaspi Təhsil Şirkətidir. 

Təşkilatçılar hesab edirlər ki, Robofest International kimi tədbirlər robototexnika təhsilinin əhəmiyyəti barədə məlumatlılığın artırılmasına kömək edə və gəncləri bu maraqlı sahədə karyera qurmağa ruhlandıra bilər.

 

Mənbə: https://www.robofestinternational.com/az

#Robofestinternational #Robotics #STEAM #Competition