NƏŞRLƏRİMİZ

İngilis dili. Test bankı. Qrammatika. Oxu. Dinləmə

İngilis dili. Test bankı. Qrammatika. Oxu. Dinləmə

Hörmətli müəllimlər və valideynlər! Əziz abituriyentlər!

Sizə Kaspi Təhsil Şirkətinin növbəti test bankı təqdim olunur. “İngilis dili. Test bankı. Qrammatika. Oxu. Dinləmə” adlı bu test bankı Dövlət İmtahan Mərkəzinin (DİM) ingilis dili fənni ilə bağlı çap etdiyi proqramı tam əhatə edir. Vəsaitin hazırlanması zamanı Azərbaycan Respublikası Təhsil Nazirliyinin ümumtəhsil məktəblərinin I-XI sinifləri üçün çap etdiyi “İngilis dili” dərsliklərində öz əksini tapmış qrammatik və leksik metariallara, oxu mətnlərinə və dinləmə resurslarına istifadə olunmuşdur. Eyni zamanda, ingilis dilinin öyrədilməsi və öyrənilməsi ilə bağlı, qrammatika, oxu və dinləmə bacarıqlarının formalaşdırılması, inkişaf etdirilməsi və qiymətləndirilməsi ilə bağlı beynəlxalq proqramlara və dərsliklərə - Kembric, Oksford universitetlərinin nəşrlərinə, eləcə də Amerika Birləşmiş Ştatları, Böyük Britaniya, Türkiyə və Rusiyada çap olunmuş müxtəlif ingilis dili tədris vəsaitlərinə, çoxlu sayda elektron resurslara -  internet resurslarına da istinad edilmişdir. Test bankı hazırlanarkən ölkəmizdə təhsil sahəsində qəbul olunan yeni qərarlara və dəyişikliklərə uyğun olaraq, dərsliklərdəki, tədris və qəbul proqramlarındakı bütün yenilik və dəyişikliklər nəzərə alınmış, Yeni Tədris Proqramı – “Milli Kurikulum”un bütün standartlarına və tələblərinə riayət olunmuşdur.

Test bankının “DİNLƏMƏ” adlı bölməsində isə DİM tərəfindən müəyyən edilmiş Buraxılış imtahanı modelinə uyğun abituriyentlərin dinləmə bacarığının qiymətləndirilməsi üçün ümumilikdə 52 oxu mətni və həmin mətnlərə aid 300-dən çox test nümunəsi toplanmışdır. Aşağıda Dinləmə üçün audio fayllar mövcuddur. Həmin faylları həm ONLINE olaraq, həm də kompüterinizə və ya telefonunuza yükləyərək, istədiyiniz vaxt dinləyə və Test bankında toplanmış müvafiq testləri cavablandıra bilərsiniz!

KASPİ nəşrlərindən faydalanan, bizə etimad göstərən hər kəsə əvvəlcədən öz təşəkkürümüzü bildiririk!

Audio materiallar