Buraxılış və Blok imtahanlarının nəticələri yüksəkdir.

Dövlət İmtahan Mərkəzi (DİM) tərəfindən ixtisas seçimlərinin nəticəsi artıq elan olunub. Kaspi Abituriyent Hazırlığı kurslarında təhsil almış abituriyentlərimiz öz arzuladıqları ali təhsil müəssisələrinə və ixtisaslara qəbul olunublar. Kaspu.edu.az xəbər verir ki, ixtisas seçiminin aparıldığı 16-28 avqust tarixləri arasındakı dövrdə Kaspi Təhsil Mərkəzlərində çalışan peşəkar müəllimlər və ekspertlərimiz valideynlərə və abituriyentlərə ixtisas seçimi ilə bağlı öz tövsiyələrini vermiş, ixtisas seçimində onlara yardımçı olmuş, abituriyentlərimizin “tələbə” adını qazanmasına dəstək olmuşlar. “Kaspi Abituriyent Hazırlığı xidmətinin bir hissəsi olaraq, biz ixtisas seçimi ilə bağlı hər il valideynlərimizə təmənnasız tövsiyələrimizi verir və dəstək oluruq”-deyə Kaspi Təhsil Şirkətinin tədris işləri üzrə akademik rəhbəri Rəsul Ağayev bildirir. Qeyd edək ki, Kaspi Abituriyent Hazırlığı kurslarında təhsil alan abituriyentlərin Buraxılış və Blok imtahanları üzrə nəticələri əvvəlki illərdə olduğu kimi 2022/2023-cü Tədris ilində də yüksək olub: - Məzunlarımızın 98%-i “tələbə” adını qazanıb; - Məzunlarımızın 15%-i 600 baldan yuxarı, 25%-i 500 baldan yuxarı, 40%-i 400 baldan yuxarı, 55%-i 350 baldan yuxarı, 65%-i isə 300 baldan yuxarı nəticə göstərib; - Dövlət universitetlərinə qəbul nəticəmiz də 91% təşkil edib; - 21 məzunumuz Bakı Dövlət Universitetinə, 16 məzunumuz Azərbaycan Dövlət İqtisad Universitetinə, 3 məzunumuz Bakı Ali Neft Məktəbinə, 4 məzunumuz ADA Universitetinə qəbul olub; - Məzunlarımız arasında müxtəlif fənlər üzrə müəllimlik ixtisasını seçənlərin sayı bu il 35 nəfər, müasir texnologiyaların inkişafı ilə bağlı ixtisaslara qəbul olan məzunlarımızın sayı isə 27 nəfər olub. Eləcə də 5 məzunumuz tibb ixtisasına, 5 məzunumuz isə hüquqşünaslıq ixtisasına qəbul olub. “Məzunlarımızın uğurları bizi sevindirir. Peşəkar müəllim heyətimiz, qayğıkeş əməkdaşlarımız və valideynlərimizin birgə fəaliyyəti nəticəsində bu il də Kaspi Abituriyent Kurslarında uğur göstəricilərimizi yüksəltdik. Bu nailiyyətdə əməyi olan hər bir kəsi təbrik edirik və eyni zamanda, onlara minnətdarlığımızı bildiririk. Valideynlərimizə gözaydınlığı veririk, çəkilən zəhmət öz bəhrəsini verdi. Məzunlarımıza gələcək təhsil həyatlarında uğurlar diləyir, nailiyyətlərinin daim olmasını arzulayırıq!” Kaspi Abituriyent Hazırlığı kursları olaraq, növbəti tədris ili üçün planlarımız və hədəflərimiz artıq bəllidir. Kaspi Elmlər, Əhmədli, Xətai, Bayıl, 28 May, Sumqayıt və Gəncə filiallarında, eləcə də Kaspi Mərdəkan, Lənkəran, Qəbələ və Bərdə nümayəndəliklərində kurslarımıza qeydiyyat davam edir. Şüarımız belədir: “Bu günün Kaspi abituriyenti, sabahın universitet tələbəsidir!”

Kaspi.edu.az